Turmush — Министрлер кабинетине караштуу архитектура, курулуш жана турак жай-коммуналдык чарба мамлекеттик агенттигинин башчысы Мырзабек Жыпаркулов Ноокат районунда курулушу жүрүп жаткан социалдык объекттер менен жеринен таанышты. Бул тууралуу Ош облустук капиталдык курулуш башкармалыгынын башчысы Маратбек Акназаров билдирди.
Анын айтымында, Ноокат районунун Мирмахмудов айыл өкмөтүнө караштуу Арал айылында 225 орунду мектептин курулушу жүрүп жатат. Тендердик баасы: 118 млн 195 миң 673 сом.
Ноокат районунун Зулпуев айыл өкмөтүнө караштуу Үч-Бай айылында 275 орундуу мектеп курулууда. Курулуш республикалык бюджеттен каржыланууда.
Ноокат районунун Зулпуев айыл өкмөтүнө караштуу Калдай айылында 150 орундуу мектептин курулушу жүрүп жатат. Тендердик баасы: 102 млн 458 миң 122 сом.
Ноокат районунун Зулпуев айыл өкмөтүнө караштуу Кашкалдак айылындагы 120 орундуу бала бакча курулуп жатат.
Ноокат районунун Көк-Жар айыл аймагында 375 орундуу мектеп курулуп жатат.