Turmush — Кочкор райондук И.Исаков атындагы маалыматтык китепканасына жаңы китептер келди. Бул тууралуу китепкананын кызматкери Кенже Жакыпова билдирди.
Анын айтымында, Маданият жана маалымат, жаштар саясаты министрлиги тарабынан районго 494 миң 978 сомго 2848 жаңы китеп келген. Жаңы келген китептер райондогу 36 китепканага таратылды. Китептердин арасында Чыңгыз Айтматовдун чыгармалары, Качкынбай Осмоналиевдин «Көчмөндөр кагылышы», Шайлообек Дүйшеевдин «Эки дөөнүн күрөшү», Узакбай Абдыкаимовдун «Майдан», Самсак Станалиевдин «Чагылгандын көз жашы» сыяктуу китептер бар.