Бөлүмдөр
Бейшемби, 18-октябрь
Ош облусуНоокат району 03.08.2018 15:48

Көк-Белдеги 17 гектар жерге 9 миң көчөт отургузулду

Turmush -  Ноокат районунун Көк-Бел айыл өкмөтүндө жаратылыш кырсыктарды алдын алуу максатында 17 гектар жерге 9 миң көчөт тигилди. Айыл өкмөттүн жооптуу катчысы Жумагүл Төрөканованын айтымында, айыл өкмөттөгү Жалгыз-Тал жана Кызыл-Таш тилкелериндеги 17 гектар жайыт жер тосулган.

«БУУнун азык-түлүк программасынын колдоосу менен биргеликте иштедик. Жалпы 1 млн 585 миң сом сарпталды.

Биз жакта бак-дарактардын азайышынан жер көчкү кооптуулугу жаралган эле. Быйыл жер көчкүнүн, селдин алдын алуу максатында алманын, өрүктүн жана бадамдын жалпы 9 миң көчөтүн тиктик. Жалгыз-Тал тилкесиндеги 10 гектар жайыт жер, ал эми Кызыл-Таш тилкесинен 7 гектар жайыт жер тосулду», - деди Ж.Төрөканова.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×